Salam.

Əgər bloqumu ziyarət etmisinizsə yəqin ki, ağlınıza gələn ilk sual “Bloqun yazarı kimdir?” sualıdır. Adım Nərgizdir. Sahəm memarlıq və interyer dizaynerliyidir. Bununla yanaşı, tam bir təbiət aşiqi, səyahət etməyi sevən, yer kürəsində olan bütün rənglərin vurğunu, kino qurdu (myuzikllar xaric), tənbəllikdən qopa biləndə kitab oxumağı sevən, musiqi tutqunu (hard rock xaric), ürəkdən qəh-qəhə vurub gülməyi sevən biriyəm. 2015 – 2016-cı illərdən isə plastiksiz həyata keçid edib, özümüz və gələcək nəsil üçün planetimizin ekoloji baxımdan daha gözəl olması üçün əlimdən gələni edirəm. Tamam unudurdum! Bir də yazmağı sevirəm və düşündüm ki, niyə də bloq vasitəsi ilə sizlərlə öyrəndiklərimi paylaşmayım?

Hörmətlə